دقائق مجهولة - فاطمة الصالح

 

{✍️⏱,ًدقائق ,ًمجهولة⏱✍️}

تكملة المشهد من الحلقة السابقة

أحمد يجلس دون مباله لها

منال: أسمعني أن ما رحت حق أختك ووقفتها عند حدها أنا أروح لها وأقلب بيتها على راسها وراس أعيالها مثل ماقلبت حياة بنتي .. وش قلت تروح أنت ولا أنا أروح ؟

أحمد يحاول التحدث لينزل صقر من السلم مسرعاً يجلس بجانبه

صقر: يبا بغيتك بموضوع

أحمد: وش عندك

منال وهي تنظر إلى صقر بحقد: أحمد بتروح ولا أنا أروح

أحمد: روحي غرفتك بعدين نتفاهم

منال تنظر إليهم تذهب غاضبة إلى الأعلى

—————————-

160

ن/د منزل أحمد/ غرفة منال 

- لقطه على منال تدخل غرفتها تأخذ حقيبتها وهي تحدث نفسها

منال:  طيب أنا أعلمكم

تخرج من الغرفة

——————————

161

ن/د منزل أحمد/ بالصالة

لقطة على منال تنزل متوجه للخروج يتقدم لها أحمد وخلفه أبنه صقر 

أحمد: إذا ناوي تروحني بيت أختي فرجعي أحسن لك ماني ناقص مشاكل 

منال دون مباله تذهب خارج المنزل 

- أحمد يجلس غاضباً يجلس صقر بجانبه 

صقر: هذي ماتستحي تقول لها لا تروحين..  تروح  وتكسر كلامك … أنا مادري يبا ليش صابر عليها طلقها. وارتاح وريح راسك

- أحمد ينظر إلى صقر بغضب

- 

——————————

162

ن/خ أمام مستشفى الطب النفسي 

- لقطة على طلال يخرج من المستشفى وعلى ملامح وجه الحزن 

- يركب سيارته يضع رأسه على الموقد يبكي .. يرفع رأسه يمسح دموعه يمسك بهاتفه يحاول الاتصال لا أجابة .. يترك الهاتف ينطلق بسيارته 

——————————

163

ن/د منزل ليلى / بالصالة 

- لقطة على ليلى تشاهد التلفاز وأمامها على الطاولة وعاء من الماء وكأسين ‏من العصير تأتي حور من ناحية المطبخ حامل بين يديها طبق من الفطائر تضع على الطاولة تأخذ قطعة تجلس بجانب والدتها 

حور: خالي أحمد وش كان يبي جاي 

ليلى باشمئزاز:  جاي يسلم

حور:  رجعتي كلمتيه عن موضوع نواف وسارة ؟؟

ليلى: كلمته بس ذيلي مو كفو الناس تنصحهم وتقدم لهم نصيحه .. خليهم بكرة  بيتحسرون وبيقولون ليت سمعنا كلامها .. 

- حور تأخذ الريموت تقلب القنوات يطرق الباب بقوة 

ليلى: وجع منوا يطق الباب كذا 

حور: ولدك السخيف في غير.. (تضع الكنترول لتذهب بعد أن تحمل بين يديها كأس العصير) بس يصبر  أنا أعلمه الأدب 

- حور تقف خلف البوابة تفتحه تدخل منال لتسكب كأس العصير عليها حور تقف أمامها بخجل

- 

منال: وجع إن شاء الله وش سويتي فيني لعوزتي ملابسي عميه أنتي ما تشوفين 

حور: أسفه مرت خالي مكان قصدي 

منال: وش أستفيد من أسفك الحين .. أمك داخل ؟

حور : أيه داخل 

- منال تدفع حور من أمامها لتدخل.. حور تغلق الباب وتلحق بها 

ليلى تقف وهي تخبئ ضحكتها على شكل منال 

منال: تضحكين على سوات بنتك أدري هذا إذا ما كنتي أنتي اللي قايل لها تسوين فيني  كذا 

ليلى: وأنا وش دراني منو جاي قالو لك عني ساحرة (تجلس) بعدين وش عندك زايرتني وش تبين ؟ 

منال تنظر إلى المنزل بستحقار:  لو علي ما أدخل ذا البيت المشبوه .. بس وش أسوي الزمن والظروف حدتني أوقف بوسط ذا البيت ..

ليلى تحدث نفسها: اللهم صبرك ياروح

منال : أنا أبغي أفهم أنتِ وش تبين من هذا كله ليش رايح قالبه راس الرجل على بتتي ها .. ليش تبين تهدمين حياتها .. و تطلقينها من نواف ..

إذا تكرهيني وماتحبيني .. بنتي وش ذنبها ؟

وش سوت لك أبغي أفهم ؟

ليلى تقف تتقدم منها: أولاً أنا ماتجرئة وكلمت أخوي إلا من خوفي على سارة 

ومصلحتها وأنتي تعرفين نواف كيف يعاملها

منال: لا تكفين خلي خوفك لك ولعيالك 

ولا تقربين جنب بنتي .. ومثل مالعبتي بنواف وقلبتي راسه على بنتي تروحين تصلحين كل شيء 

ليلى: أنا ماكلمت نواف 

منال:  ليلو لا تنكرين أنا أعرفك زين

ليلى نبرة حادة: قلت لك ماقلت له شيء ولا كلمته

منال تمسكها من كتفها: هالكلام هذا ما يمشي علي يمشي على أخوك المصرقع .. قسم بالله يا ليلى لو نواف ما أتصل على سارة خلال يومين وتراضوا (تقترب بجانب حور تضربها على كتفها) بنتك راح تدفع ثمن خرابك بين نواف وسارة 

 

- ليلى تقترب تبعد منال عن أبنتها 

ليلى: تهديدك هذا مايخوفن ويلا توكلي

منال تلعب بشعر ليلى لتبعدها ليلى بعنف :  لازم تخافين ياقلبي لأن أنا  راح أشربك من نفس الكأس والعن بعد

تذهب منال ثم تعود لتسحب ليلى بعيداً تحدثها بهمس

منال:. وطيبتك الزايدة هذي مو علي .. أخاف على سارة ، وأبغي مصلحة سارة 

كل هذا أنا عارفته كذب ونفاق

 .. أنتي في برأسك شيء شنو .. ماردي راح أعرفه .. تخرج منال 

- تجلس ليلى وهي تهز أقدامها بتوتر شديد وتجلس حور بجانبها 

حور: يمه أنتي كلمتي نواف بالموضوع؟ 

ليلى: أكيد لا

حور: بس مرت خالي تقول 

ليلى: ماعليك منها هذي كذاب 

——————————

164

ن/خ أمام منزل ليلى

- لقطة على سيارة طلال تقف يترجل منها متوجه لدخول البوابة تصطدم منال به وهي غاضبة

منال: وجع يسكن في بدنك ماتشوف اللي قدامك أنت

طلال: ماصار شيء طيب وش فيك معصبة

منال: كيف أمك أهو ما صار شيء .. روح أذلف

- يتوجه طلال لدخل لتناديه منال ليقتربان من بعضهم 

منال: تعال تعال تعال

طلال بملل: خير وش تبين

منال تهجم عليه بالحديث وهو ينظر إليها غير مستوعب: أنا أبغي أعرف أخوك هذا غبي مايعرف الناس اللي حوله والحقودة واللي ماتتمناه له الخير أي شيء تقول له عمته خلاص يمشي وراها ويصدقها .. نسى سارة وحبه لها نسى وش قد حبى ورانا حتى رضين نعطيه أياها .. عشان يتخله عنها مجرد كلمتين سمعها من عمتك .. كلمه قول له هذي تحب خراب البيوت ماتحب تشوف الناس مرتاحه .. وش دعوة عليه ماعنده عقل يفكر 

طلال ينظر إليها بتعجب يجاريها في الحديث : أيه عدل كلامك إن شاء الله مايصير خاطرك إلا طيب بس أنتي أشلون عرفتي هذا كله منو قالك؟ 

منال: قالت الكلام حق عمك بلا حياء ولا مستحى خل نواف يطلق سارة .. ولمن ماقدرت على عمك راحت حق أخوك ولعبة براسه وصدقها

طلال يهز برأسه متفهماً ويتحدث بخبث: بصراحة في أشياء واجد سوتها عمتي  بس ما أبغي أتكلم وازيد المشاكل بينكم كافي عليك اللي عرفتيه

منال نبرة هادئة: لا تكلم قول لا تسكت يما.. يعني أنت يهون عليك بيت بنتي يخترب ظلم من ورا عمتك .. وأنت تعرف أشياء وساكت 

طلال: بصراحة مايهون علي .. بس بعد أخاف إذا قلت لك الكلام تقولين أني أنا اللي قايله لك وتسببين لي مشاكل وأنا واحد بصراحة ما أحب المشاكل .. 

منال: لا تخاف ما راح أقول .. قول 

طلال: الحين مايصير خليها وقت ثاني أنا عندي كلمة راس مع عمتي

منال: وش تبي فيها؟؟ 

طلال: بعدين نجلس ونتكلم وتعرفين كل شيء روحي الحين لا أحد يشوفنا

منال: خلاص أجل أنا أنتظرك بالسيارة .. تذهب منال 

—————————

ًيتبع

🌴,ًمجموعة ,ًالنورس ,ًالثقافية🌴

,ًقصة ,ًسيناريو ,ًوحوار

✍️,ًفاطمة ,ًعبدالله ,ًالصالح✍️