دقائق مجهولة - فاطمة الصالح

 

{✍️⏱,ًدقائق ,ًمجهولة⏱✍️}

160

ن/د منزل أحمد /بالصالة

‏

‏- لقطة على جمانه جالسة بجانب والدتها توريها الهاتف حيث منال بيدها كوب الشاهي تنظر إليه بتمعن

جمانة: هذي تمشي وطق أوبر في وجهها لين صارت ولا غلطه.. شوفيها يمه أبغي أسوي مثلها .. يمااا 

منال بتضجر: هااا 

جمانة: أبغي أسوي مثل هذي (توريها الهاتف بحماس) شوفيها حيل حيل حلوه 

منال:  تعرفين حبوب يموت بالبطيئ

جمانة بذرع: حق شنو 

منال: سألتك جاوبي وبس 

جمانة تعود تنظر إلى هاتفها: لا

- تدخل سارة المنزل ترمق والدتها تقف منال بعد أن تضع كوب الشاهي على الطاولة تلحق أبنتها سارة الذي أقتربت من السلم 

- منال: وش صار معاك … وقفي أكلمك

سارة تقف تلتفت إليها: ما صار شيء 

منال: أشلون يعني ما صار شيء رايحه وش تسوين أجل ؟

سارة: مارضى يشوفني ولا يشوف رقعت وجهي   …

منال: ليش !!! 

سارة ببرود: أساساً أحسن فكه منه .. فراقه عيد … 

- تذهب سارة إلى الأعلى 

- منال تذهب ناحية الصالة تأخذ هاتفها غاضبة تتصل لا يوجد رد على أتصالها 

تحاول مرة أخرى.. 

- يدخل صقر المنزل ينظر إلى منال تتقدم منه بغضب

منال: أنت وش عندك داخل تخز  فيني خير  عسى ماشر 

صقر يبتسم بسخريه ويذهب إلى الأعلى وتذهب منال خلفة 

_______________________

158

ن/د منزل أحمد / غرفة سارة 

 - سارة وقفة أمام مرآتها تنزع اكسسوارتها تدخل والدتها 

 منال: أمه قالت لك أنه مايبي يشوفك؟؟ 

سارة تجلس على السرير تربط شعرها:  ما أحد قالي

منال تجلس بجانبها: أشلون ما أحد قالك هبله أنتي .. أقول اتصلي أتصلي عليه الحين وكلميه

- سارة تقف لتجلس على الكرسي أمام مرآتها تاخذ كريماً تضعه على يديها: 

ماني متصله على أحد يمه .. بسمع أذني يصارخ يقول خل تذلف بيتهم ولا عاد تجي مره ثانية.. لا قدر جيتي ولا أحترمني .. أساساً هو متعود يذلني وأنا مثل الهبله أرجع له بس لو يموت قدامي .. ماراح أذل نفسي له.. خل يشوف وجهه سارة الثاني .. (تستلقي على سريرها) بعدين أنا ما أبغي أتكلم بذا الموضوع تعبانه وأبغي أرتاح 

- منال تخرج وهي تحاول الاتصال

————————————

161

ن/د منزل أحمد/ بالصالة 

- لقطة على منال تنزل من السلم وهي تتصل بزوجها 

منال: وين فيه بعد هدلخ مايرد 

يدخل أحمد المنزل تقترب منه زوجته 

منال: زين شرفت.. الحين الحين تروح عند أختك وتوقفه عند حدها وتخليها تبعد عن حياة بنتي سارة .. ومثل مالعبة براس نواف ترده لعقل .. 

- أحمد يذهب لصالة للجلوس ومنال تتبعه

أحمد: ليلى أختي مالها شغل بنواف ولا كلمته بالموضوع اللي في بالك

منال: لا والله لا تقول لي من نفسه أهو كاره بنتي ومايبغي يشوفها 

أحمد:  مارضى يشوفها ! ؟ 

منال: أيه … اللي كان يتمنى يحلم بظلها ويسمع صدى صوتها اليوم قام يصارخ بوسط بيتهم مايبغي يشوفها.. لا تقولي هذا مو ملعوب براسه.. هذا ملعوب براسه ألف ومافي غير الحية أختك 

أحمد: ليلى مالها شغل وانتي تدرين أن هم متزعلين من قبل .. والمشكلة اللي بينهم للحين مانحلت وأكيد زعلان منها على رجعتها البيت متأخر والاتصلات اللي ماترد عليه

منال : يمكن يكون للحين زعلان منها أشوي .. بس مو لهدرجه كاره شوفتها .. وأنا متأكده أن اختك استغلت هلموضوع لصالحها وقالت له هذي ماتناسبك وراح تتعبك العب براسه لين صدقها هلخبل 

أحمد يقف غاضبا مقاطعها: قلت لك ألف مرة أختي مالها دخل وبعدين هي ماكلمتني الا إنا بالموضوع .. حبت تنبهني من معاملة نواف لسارة وبس .. وإذا نواف كره يشوف سارة  فهو كل من ألسان أمها الطويل اللي تمشي وتقط عليها كلام هذا كبره .. 

منال: الحين قلبت الموضوع علي 

..   وطلعتني أنا الغلطانه و الشيطان الرجيم .. وأختك الحنون الطيبه

أحمد يجلس دون مباله لها

منال: أسمعني أن ما رحت حق أختك ووقفتها عند حدها أنا أروح لها واقلب بيتها على راسها وراس أعيالها مثل ماقلبت حياة بنتي .. وش قلت تروح أنت ولا أنا أروح

ًيتبع

🌴,ًمجموعة ,ًالنورس ,ًالثقافية🌴

,ًقصة ,ًسيناريو ,ًوحوار

✍️,ًفاطمة ,ًعبدالله ,ًالصالح✍️